Опис
Винаријата Јостела е сместена во Гевгелиско-Валандовското виногорје, во Повардарскиот вински регион. Лозовите насади во ова виногорје се на надморска височина од 64 m и се под влијание на средоземната клима.
Винаријата поседува сопствени лозови насади на површина од 0.4 ha, од сортите Merlot и Cabernet frank. Подигнати се 2005 година, кога е изградена и винаријата.
Гаудиум е со темно црвена боја и многу комплексен мирис и вкус. На мирис се препознаваат различните сорти, па така мирисот се развива од овошен, зачински, минерален па се до корка од леб и кафе, што доаѓа од самото буре. Мирисните ароми го пратат и вкусот на ова вино. Виното е полно, хармонично и долго останува во устата. Со оглед на тоа што се работи за најмалку три години старо вино, истото треба да се декантира пред послужување.
Се служи на температура 16-18°C.
